Sloap Nou, Mien Kindje
Age Van Der Velde
Sloap nou, mien kindje, och, speul nou nait meer
Zun gong al onder, d'oavend komt weer
Steerntjes glinsteren, t moantje dat lagt
Sloap nou, mien haartekind, sloap nou mor zaacht;
Sloap nou, mien hummel, dou d'oochies nou dicht
t Zaandmantje streut die aal zaand in t gezicht
d'Haile dag hestoe, ja juchterd en lagt
Nou moustoe rusten, kind, sloap nou mor zaacht;
Sloap mor, mien laiverd, ik hôl die bie d'haand
Goa nou mor swaarven in t wondere laand
t Laand van dien dreumen, vol kleur en vol pracht
Sloap nou, mien haartedaif, sloap nou mor zaacht;
Sloap nou, mien engeltje, sloap mor gerust
Mörgen kinst speulen zoveul astoe lust
Nou moustoe sloapen, dat geft die weer kracht
Sloap nou, mien zunnechie, sloap nou mor zaacht;
Sloap nou, mien haartje, mien leven, mien fleur
Sloap nou mor rusteg d'haile naacht deur
Tot weer het zunlicht het duuster verjagt
Sloap mor, mien beudeltje, sloap nou mor zaacht.
Comentários
Envie dúvidas, explicações e curiosidades sobre a letra
Faça parte dessa comunidade
Tire dúvidas sobre idiomas, interaja com outros fãs de Age Van Der Velde e vá além da letra da música.
Conheça o Letras AcademyConfira nosso guia de uso para deixar comentários.
Enviar para a central de dúvidas?
Dúvidas enviadas podem receber respostas de professores e alunos da plataforma.
Fixe este conteúdo com a aula: