Um Minute D'silencie

Bo tmá kaminhu di straviada
Bo dixa mundu di dôr
Bo uní pa senpre bos kapela
Bo konvertê-me n'un sofredor
Bo inganá-me na kel dia ku bo dose miludia
Bo dá-me konsolason
Ka N arguí n'otru dia
Mi xei d'aligria, N bá tmá bo benson
Foi un spónte grande kónde es dzê-me ki bo bai sen dispedí
Bo txá-me sô rekordason!

Bo era kiride, bo era konxide
Sima un grande strela luminóze la na séu
Era un sertéza na bo, sabura d'fésta na bo mon
Na son de Mimosa bo instrumente ke bo amá txeu
Ta na nha ideia kes note d'lua xeia
Kel serenata, de lar en lar

Inda N t'uví na janéla
Kel son tãu dose de bo violãu
Kel xoradinha na note ku luar i strela
Mi N ka krê seí d'es iluzãu
Inda N t'oiá bo imájen ta txigá di viájen
Kansóde ma tude kontente
Depôs d'un grande note d'arkada
As-vêz sen ganhá nada
Sô p'alegrá tude jente
Mi N ka ta lenbrá de ter uvide bo dzê kema nãu
Sô N ta lenbrá bo paixãu

Kónde pa kazamente na son d'bo violin
Kunpanhóde pa viola, kavakin ma violãu
Noiva ta txorá, junte ma Mimosa
De bóxe de barui de fogete, de bóxe de murmur de multidãu
Sónte era bo nome, bo dá-me bo dixá-me
N ta lenbróde pa iternidade
Sónte era bo nome ke inda ta limentá-me
Pa bo memória N ta pedí
Un minute d'silense